Die O/15A en O/17A netbalspanne van Merensky Landbou Akademie het op die 4de Mei na Hoed-spruit gereis waar hulle aan ligawedstryde teen Southern Cross Schools, Hoedspruit High School en Lowveld Academy deelgeneem het.
Beide die Plasies se netbalspanne het in al hul wedstryde oorwinnings verseker deur hul teenstanders oortuigend te klop.
Die O/15-span het Southern Cross met 45-0 geklop en volg dit op met nog ‘n sege teen Lowveld Academy met ‘n wentelling van 29-2. In hul laaste wedstryd teen Hoedspruit High School se span het hul met ‘n oorwinning van 31-2 min teenstand ervaar en dit het behoorlik doele gereën.
Die Plasies se O/17-span het teen Southern Cross School altesaam 36 doele aangeteken teenoor die enkele doel van hul teenstanders. In die wedstryd teen Lowveld Academy het hulle nog ‘n gemaklike oorwinning behaal en die eindtelling was 40-5.
Die span van Hoedspruit Academy het egter hewiger teenstand gebied, maar dit was uiteindelik Meresnky wat met 24-18 die wedstryd in hul guns verseël het.
