Wolkberg Akademie het Vrydag die 11de Junie sy jaarlikse gholfgeleentheid by die Tzaneen Buiteklub aangebied. Hierdie is een van dié akademie se geldinsamelings-projekte wat vir die skool aangewend word.
Bulletin het ‘n draai by die Wolkies se geleentheid gemaak en ‘n paar van die spelers afgeneem, met sommiges wat baie opgeruimd was om die dag op die gholfbaan deur te bring en ander wat meer ernstig voorgekom het soos hulle gepoog het om hul voorgee te verbeter.
Wolkberg Akademie se personeel en ouerbeheerliggaam het hul dank betuig aan elke speler wat die dag meegemaak het, en belangriker, die onbaatsugtige gebaar van die tientalle besighede wat onderneem het om die geleentheid te ondersteun.
Dit te midde van die ontstuimige ekonomiese omstandigehede wat Suid-Afrikaanse besighede hul tans in bevind wat grotendeels deur die inperkings weens die Covid-19 pandemie veroorsaak is.
